Nga Boldnews.al
Nuk është e para herë që Lali Eri i Bashkisë së Tiranës lëpin atë që pështyn, pa kaluar as 24 orë. Si mjeshtër i mashtrimit, ai mohon edhe atë që del nga goja e tij, shpesh malinje, në perversitet poitik, përçmuese për kundërshtarët, por edhe qytetarët. “Nuk do na ndalin shpellarët për projektin e Unazës së Madhe”-deklaroi disa muaj më parë kreu i Bashkisë së Tiranës, duke paralajmëruar se projekti i Unazës së Re do të vijonte, ndërsa protestuesit i konsideroi si “shpellarë” që pengonin zhvillimin.
Pas reagimit qytetar, veçanërisht të protestuesve, Veliaj e drodhi si gjithnjë: “Nuk i kam quajtur qytetarët shpellarë, por Partinë Demokratike”-tha Lali Eri. Pa u skuqur, pa i dridhur dhe pa snjë breje ndërgjegje, ku kjo e fundit është mëse e kotë ti kërkohet, pasi ai nuk, nuk e ka pasur dhe nuk do ta ketë kurrë. Është një makineri e frikshme që jeton me botën vituale dhe me shitjen e një produkti që nuk ekziston, por përderisa ka “blerës” të vitualitetit të tij, le të ngopen me lugën bosh që i ofron Lali i tyre.
Dhe jo më larg se dje, sërish goja e tij lëshoi të tjera fyerje, këtë herë duke “argumentuar” se duhet të ketë një ligj të veçantë ndryshe për Tiranën… “Është shumë e rëndësishme që për kryeqytetin të kemi ligj të veçantë. Sikurse është Roma, të kemi dhe në Tiranë dhe duhet të themi që shërbimet që ofron Tirana si kryeseli e qeverisë, e gjykatave e të gjithë institucioneve qendrore ka një kosto, e cila nuk llogaritet dot për banorë, po për përdorues”-tha Erion Veliaj. Kjo u përkthye drejt, ku kuptohej një tentativë të Veliajt për të vendosur taksë esktra për ata banorë të rretheve që futen në Tiranë, duke i konsideruar si “jo rezidencial”.
I ndodhur në krikika të forta, ai sot mohoi atë që kishte deklaruar. Nuk mjafton vetëm një mesazh i shkurtër i tij, por një luguni qëndrimesh që dalin nga zyrat e piarit, të ngjashme me atë të Gëbelsit nazist, ku propaganda vlente më shumë se krimet e një sistemi shfarorës.
Duke iu referuar deklaratës së Veliajt, zyrat e propagandës sot u shpreh: “Kjo deklaratë u keqkuptua qëllimshëm nga disa media. Ndaj, Bashkia e Tiranës gjen rastin të sqarojë qytetarët e saj dhe opinionin publik, se të gjitha lajmet për vendosjen e një taksë për qytetarët që vijnë në Tiranë janë të pavërteta dhe një Fake News i sajuar nga pronarë mediash gjobëvënëse dhe keqinformuese!”.
Të mendohet nga ka dalë kjo deklaratë është njësoj sikur ekzekutori ti nisë familjes së të vrarit një letër keqardhje për “humbjen e një jete”… Sipas lëpirësve të pushtetit, që ngjyejnë jo gishtin për llërët në sahanin e madh, media është kthyer në gjobëvënëse dhe ndaj kujt, një personazhi që gjobën e njeh me mirë se familjen.
Po, sot gjobëvënësi më i madh është Lali Eri për banorët e Tiranës. A ka gjobë më të madhe, madje më keq se ata që vendosin kapucin në kokë, kur të rrëmben me ligj taksën, të rjep deri në pikën e fundit të djersës dhe atë para publike e shpërndan për një grusht oligarkësh, që ditë e natë ndajnë benefitet mbi kurrizin e banorëve të kryeqytetit?
A ka gjobëvënës më të madh se Bashkia Tiranë dhe titullari i saj që nxjerr në rrugë luguni policësh bashkiakë që me blloqe në duar lëshojnë gjoba për mjetet e parkuara poshtë pallatit, ku ka vendosur tarifë në çdo rrugicë e skutë? A ka gjobëvënës më të madh sesa të nxjerrësh në rrugë gangsterë Rilindas me uniformën e policit bashkiak që i marrin produktet bujqësore dhe shkelmojnë nëna të moshuara se përse shesin në ndonjë cep trotuari?
A ka gjobazhi më të madh se ndërsa thyen brinjët e grave dhe të moshuarve që shesin në skuta trotuarësh duke i përçudnuar nën propagandën e “lirimit të hapësirave për qytetarët” dhe nga ana tjetër ngre kioska që zaptojnë gjithë trutuarin, pasi ata pronarët e vërtetë ta kthejnë të mirën me propagandë në televizionet e tyre?
E pra kjo është gjobë dhe mbi të gjitha “Fake News” është ai produkt që zyra e propagandës së Lali Erit i shet qytetarëve, nëpër televizionet dhe mediat e blera prej tyre. Shumëkush mund të mendojë se piaristët, (propaganduesit), për fat të keq në të shkuarën një pjesë kanë qenë edhe gazetarë, ndonëse të oborrit politik, janë aty për një rrogë dhe e bejnë atë punë për të mbajtuar familjen.
Nuk është krejtësisht e vërtetë, sot të bësh propagandë për “gjobaxhiun” e madh të Tiranës është po aq krim sa ai që e kryen krimin. Ata nuk çojnë në shtëpi “bukën e fëmijëve” duke mbrojtur me propagandë një kryebashkiak virtual, por ushqimin e zi dhe helmin në shtëpitë e çdo shqiptari.
