Ledri Vula është një ndër emrat më të njohur të muzikës dhe ndër artistët më të suksesshëm të momentit.
Ai numëron plot 1.4 milionë ndjekës në llogarinë e tij në Instagram, ku ndan shpesh momente nga koncertet dhe përditshmëria. Ledri me këngët e tij ka arritur që të mbledhë qindra fansa anë e mbanë trojeve shqiptare.
Në media shkruhet shumë për jetën private të reperit, por asnjëherë nuk është cekur se ai vuan nga sëmundja e quajtur ‘Vetiligo’.
Në një fotografi që ka postuar reperi javë më parë, shihen në dorën e tij të djathtë shenja të bardhë në lëkurë, e që janë si pasojë e kësaj sëmundje.
Vitiligo është një sëmundje kronike idiopatike, jo ngjitëse, nga e cila vuajnë 0,5 deri më 2% e njerëzve në mbarë botën. Kjo sëmundje e ndryshon ngjyrën e lëkurës, duke e bërë në vende të ndryshme të bardhë.
Lëkura mund të ndryshojë kudo në trup, por më së shumti kjo shfaqet në duar, në fytyrë dhe këmbë, shkruan gazetametro. Konsiderohet si e mundur që shfaqja e vitiligos të varet nga një mekanizëm auto-imun.
