Një person është qëlluar me armë zjarri në qytetin e Rubikut në Mirditë ndërsa sipas burimeve mësohet se ndodhet në gjendje të rëndë për jetën. Pas dhënies së ndihmës së parë në Spitalin e Rrëshenit, është nisur drejt Spitalit të traumës në Tiranë pasi gjendja e tij është e rëndë.
Emri dhe mosha e të plagosurit ende nuk është bërë e ditur si dhe rrethanat e ngjarjes, ndërsa ende nuk konfirmohet nëse kemi të bëjmë me një tentativë për vrasje.
Mjekët kanë treguar se është paraqitur në ambientet e spitalit një i plagosur me armë zjarri ku pas ndihmë së parë është nisur drejt Tiranë.
Grupi hetimor po heton për shkaqet dhe rrethanat e ngjarjes së rëndë.
Shtetasi i plagosur është Frederik Leka, ndërkohë mësohet se personat më parë e kanë rrahur dhe më pas e kanë qëlluar me dy plumba, një në shpatull dhe një në këmbë.
Në vendin e quajtur”Rreth I Eperm” Mirditë,në rrethana ende të paqarta është plagosur me armë zjarri shtetasi F.L., 26 vjeç, i cili është transportuar në spitalin e Traumës,Tiranë.
Grupi hetimor po punon për zbardhjen e rrethanave të ngjarjes me qëllim identifikimin dhe kapjen e autorit/eve.
Shërbimet e Policisë të D.V.P. Lezhë, të Komisariatit të Policisë Mirditë, po krehin zonën si dhe janë ngritur pika kontrolli për kapjen e autorit/eve.
