Mesfushori gjerman, Emre Can, është gjithmonë e më pranë largimit nga Juventusi.
Prej kohësh Maurizio Sarri, nuk e konsideron lojtarin si pjesë të rëndësishme të skuadrës, dhe në një intervistë të fundit, Emre Can, e pranon se situata nuk është aspak e mirë dhe që mund të largohet nga Torino.
Kampionët në fuqi të Francës, Paris Saint Germain janë skuadra që kanë shprehur interesim të madh për lojtarin. Parisienët kanë filluar kontaktet me agjentin e lojtarit dhe kanë marrë përgjigje pozitive për t’iu bashkuar atyre.
Juventusi e vlerëson lojtarin së paku 35 milionë euro, dhe është e gatshme ta lërë të lirë me këtë çmim.
Gjithsesi në garë për lojtarin mbetet edhe Manchester United dhe Bayern Munich.
