Çudit Zidane: Bale mund të jetë përsëri deçiziv, kam besim te ai

Gareth Bale ishte pika kryesore e bisedës gjatë konferencës së sotme për shtyp të trajnerit Zidane, pas festimit të tij kontrovers me skuadrën e Uellsit.

Gjatë të gjithë javës pritej që tekniku francez, të reagonte me tone negative ndaj veprimit të Bale, por Zidane nuk u përfshi fare në atë temë, duke deklaruar se fokusohet vetëm tek ana sportive e gjërave , jo në ato gjëra që ndodhin jashtë klubit.

“Kur ai u rikthye në stërvitje, fola me të ashtu siç bëj me të gjithë lojtarët e tjerë. Folëm për çështje që i takojnë futbollit që luhet në fushë, jo për tema të tjera. Ai ndihet mirë dhe është stërvitur normalisht”.

“Është bërë shumë zhurmë rreth gjestit të Bale, por duhet të fokusohemi te futbolli. Ajo çfarë është thënë jashtë nuk më intereson mua”.

“Mendoj se ai do të jetë deçiziv përsëri për ne, dhe unë mbështetem tek ai”.

LEXO EDHE  Zhgënjehen fansat, nuk ka ndeshje mes Wilder dhe Joshuas