Presidenti Ilir Meta foli për deklaratat e ambasadës amerikane në Tiranë, që propozoi opinionin e Venecias për zgjidhjen e ngërçit me Gjykatën Kushtetuese. Meta deklaroi se “ata që duan të cojnë gjoja tani këto akte në Venecia, janë hipokritë se duhet të çonin në Venecia, zgjedhjen e Arta Markut”.
“Jam me deklaratën e Blushit tim. “No more ‘Rule of Embassy’. Është koha për ‘Rule of Law’”, tha Meta në një prononcim për gazetarët. “SHBA janë si yll, si shpirt me ato e keni bërë Kushtetutën, Venecia ka folur qartë, ata na e kanë bërë të qarta që punojmë me Kushtetutën, ndaji kam ftuar ambasadorët të vijnë me ekspertët dhe ti tregoj Kushtetutën mbi të cilën jam betuar”, deklaroi.
Lidhur me vendimin e KPA, që shkarkoi nga detyra Besnik Muçin, anëtarin e zgjedhur nga ai në Kushtetuese, Meta tha gjithashtu se i qëndron deklaratave të zëdhënësit të tij. “0 surprizë nga vetingu i partisë. S’jam i habitur se qe ditën e parë që ka hyrë në zyrë ka pasur presione për tu bërë pjesë e puçit që të pengonte zonjën Xhaferrllari në detyrën si antare e Kushtetueses”.
Një mesazh lëshoi edhe për Ramën dhe ambasadoret që sipas Metës, i shërbejnë kryeministrit.
“Tani ka vetëm një zgjidhje për Edi Ramën dhe disa palaço ndërkombëtarë. Vetëm referendumi. Ata të dalin me Edi Ramën dhe unë do dal me gjithë shqiptarët që duhet të marrin në dorë sovranitetin e vendit se nesër është edhe dita kur u votua Kushtetuta më e mire që ne bëmë. Prandaj larg duart nga Gjykata Kushtetuese. Hipokritët që duan të cojnë gjoja tani këto akte në Venecia janë hipokritë se duhet të çonin zgjedhjen e Arta Markut. Tani duan ta bëjnë për të shpëtuar Dvoranin, Dvorani ka patur garanci edhe nga disa ndërkombëtarë për të përdhunuar procesin. Zgjidhja është referendumi dhe këtë punë ta vendosin shqiptarët”.
