Trajneri i Brazilit, Tite, i ka hedhur poshtë supozimet për Messin si lojtari më i mirë i të gjitha kohërave, duke insistuar që krahasimet mes tij dhe Peles, janë të pakuptimta.
“Pele është i pakrahasueshëm. Cilido që e krahason Pelen, me ndonjë lojtar tjetër…. e dini çfarë bëj unë? Dëgjoj por qesh”.
“Dikush që thotë këtë , nuk e di historinë dhe kualitet që ai zotëronte, ai ishte thjesht një fenomen”.
“Dikur thash për Messin, lojtar i jashtëzakonshëm, por po flisja për kohën e tashme, me kreativitetin e tij, por në histori asnjë nuk krahasohet me Pelen”. – tha ai për “AS”.
