Einxhel Shkira do të jetë pjesë e “Abc News” në emisionin “Pressing”, së bashku me moderatorin Gert Çerçani.
Kjo gjë është bërë e ditur me anë të videos së publikuar në kanalin e “Youtube”, ku shfaqet krah Gertit, duke lajmëruar publikun se do të mund ta ndjekin çdo të hënë dhe të enjte në orën 22:00 në programin sportiv. “Duke folur për gjithçka që është emocionuese në fushën e blertë, por dhe jashtë saj”, ka cituar Shkira gjatë videos. Me siguri, kjo eksperiencë e re do të sjellë të tjera emocione dhe surpriza për moderatoren në ekran, e cila hyn fuqishëm kështu në konkurrencën e vajzave të bukura, që i janë dedikuar gazetarisë sportive. Intervista në fushë, apo intervista me futbollistë që rrëfejnë jetën jashtë sportit, natyrisht do të jenë pjesë e Einxhel Shkirës tani e tutje.
