Luis Enrique është rikthyer të drejtojë skuadrën e Spanjës, për “Euro 2020”.
Ish-trajneri i Barcelonës, dha dorëheqjen në muajin qershor për arsye personale, ku vendin e tij e zuri Robert Moreno, i cili e udhëhoqi skuadrën në kualifikimin e Euro 2020 me gjashtë fitore dhe 2 barazime në tetë ndeshje të zhvilluara.
Në lidhje me zërat e rikthimit në kombëtare të Luis Enrique, Moreno, më herë gjatë këtij muaji deklaronte:
“E konsideroj Enriquen si shok, dhe miqësia me të vjen e para. Nëse ai një ditë dëshiron të rikthehet, do të jem më se i gatshëm t’i lë vendin dhe të punoj me të”.
Spanja e ka ndryshuar trajnerin gjashtë herë, që prej vitit 2016 ku, Vicente del Bosque, u largua për shkak të rezultateve të dobëta në “Euro 2016”. Atë e zëvendësoi Julen Lopetegiu, i cili dha dorëheqjen për të kaluar tek Reali i Madridit, vendin e tij më pas e mori Fernando Hierro, ku pas skualifikimit në Kupën e Botës vitin e kaluar që në fazën e grupeve, u shkarkua dhe postin e mori Luis Enrique.
