Barcelona dhe Juventusi ishin në garë për të rrëmbyer Matthijs de Ligt nga Ajaxi. Ekipi katalanas ishte më afër, por Eric Abidal, sekretari i kampionëve të Spanjës ka treguar prapaskenat se pse nuk u finalizua një veprim i tillë.
“De Ligt është një qendërmbrojtës i nivelit të lartë, por nuk dëshironte të vinte te Barcelona. E dini pse? Kërkonte garanci për të luajtur gjithmonë, por te ne askush nuk e ka vendin e sigurt.
“Aktivizimi si titullar nuk garantohet kurrë. Trajneri mund të bindë me disa premtime të caktuara, por sidoqoftë rrezikon të mos luash. Në fund zgjodhi të shkonte te Juventusi“, thekson Eric Abidal.
