Në kuadër të turit “Rrugëtim për Shqipërinë”, kreu demokrat Lulzim Basha është ndalur në Lezhë ku ka pasur një bashkëbisedim me fermerët. Basha i ka drejtuar një thirrje Kryeministrit Edi Rama që të dëgjojë zërin e shqiptarëve dhe t’i hapë rrugën zgjedhjeve të lira.
Gjithashtu ai ka paralajmëruar anullimin e kontratave korruptive, duke premtuar se paratë që jepen sot “300 mln euro për 17 km rrugë” do t’u kthehen shqiptarëve.
Fermerët i janë ankuar liderit të PD se politikanët bëjnë premtime, por më pas nuk i mbajnë.
“Nuk kam ndërmend të fshihem për t’ju ikur përgjegjësive. Do të vi prapë këtu për tu ballafaquar me angazhimet dhe përgjegjësitë e mia”, tha Basha.
Batutat
Fermeri: Përshëndetje zoti Ed, më fal
Basha: Mirëmbrëma zoti Zef
Fermeri: Të dëgjova me shumë vëmendje, hë mo se s’prish punë.
Basha: Ta dëgjojmë njëherë se ndoshta ka pas në mendje me i thënë dicka edhe atij
Fermeri: Jo për Zotin këtë që po të them ty ia kam thënë edhe atij e ai nuk mundet me ardh me u ballafaqu me ne. Por edhe ty po të them a do vish më me këto fjalë që na the sot këtu? Unë kam qen me Salën, Fatosin, kam le e rrit e jam bo 57 vjec, asnjëri se ka pru. A do mundesh me u kthy prap me këto fjalë që na the?
Basha: Faleminderit Zef. Zef ëë??
Fermeri: Po, paradite Zef.
Basha: Po mbasdite?
Fermeri: Mbasdite si të duash.
