Reja: Franca jo e pathyeshme, me strategjinë tonë do t’i godasim

Trajneri i Kombëtares, Edi Reja, ka dalë në konferencën për shtyp, për ndeshjen me Francën e cila luhet sot në orën 20:45.

Ai ndër të tjera foli dhe për kundërshtarët e Francës, duke deklaruar se i di mirë pikët e dobëta të Francës, dhe që do të mundohet t’i godasë për të marrë një rezultat pozitiv.

“Nuk mendoj se situatat taktike janë deçizive. Deçiziv janë protagonistët dhe ajo që ata japin në fushë. Përsa i përket Roshit, ai luan gjithmonë në krah në majtë apo të djathtë. Për të nuk është gjë jo e natyrshme.

“ Ne kemi shanset tona ndaj Francës dhe çdo lloj kundërshtari. Dimë se ku Franca do na vendosë në vështirësi, por dimë dhe ku ne të vëmë në vështirësi Francën. Duhet të luajmë mirë në mbrojtje dhe të shfrytëzojmë rastet që na jepen përballë tyre”.

“Ne hyjmë në fushën e lojës për të fituar dhe për të marrë maskimumin. Ndaj Andorrës gabuam dhe nga ana psikologjike. Përveç se humbëm shumë raste, pësuam dhe dy gola që ishin të evitueshëm. Elsi (Hysaj) tha se duhet të harrojmë këtë ndeshje, por duhet të nxjerrim mësime. Andorra nuk shënonte në transfertë prej 9 vitesh por ne na shënoi dy gola.

“ Ne do të luajmë kundër Francës, e cila nuk do të mbyllet në mbrojtje dhe mund te kemi disa raste, duke dalë në lojën tonë. Shpresoj të shënojmë në këto raste që do na dalin”. deklaroi tekniku italian.

LEXO EDHE  Juventus hidhet në sulm për lojtarin e Monchegladbach