Ky shtet është një kalçeto hajdutërie e korrupsioni. Kështu u shpreh kreu demokrat Lulzim Basha gjatë një takimi me fermerë të Myzeqesë, ku theksoi se qeveria ju sheh si lopë për t’ju mjelë.
“Që nga 1912, Edi Rama është i vetmi që ka arritur rekordin që Shqipëria të jetë e treta në botë më e korruptuar.
Zgjidhja është që paratë që shkojnë tek ata oligarkë të kalçetos të shkojnë tek fermeri. Koncensionet dhe PPP-të do të anulohen dhe paratë do të kthehen në shërbim të njerëzve.
Për fermerët do të kthehen në një buxhet 100 milion euro për mbështetje direkte për fermerin”, tha Basha.
Në vijim ai shtoi se zgjidhja që ne ofrojmë është zgjidhje e përbashkët që buron nga ky bashkëbisedim dhe nga një qeveri e dalë nga vota e lirë e juaj.
“Nuk do të jetë një qeveri e dalë nga krimi, nga Rrajët që diktojnë sot në qeveri.
Zgjidhja do të vijë nga zgjedhjet e lira e të ndershme. Ne po punojmë që ju të zgjidhni sa më shpejt qeverinë që ju ofron programin që ju mendoni se është më i miri për ju”, tha Basha.
