Presidenti Ilir Meta thërret në takim krerët e partive që dogjën mandatet. Takimi, sipas presidencës, do të ketë në fokus situatën në të cilën ndodhet vendi.
Këshilltari i Presidentit Meta, Tedi Blushi, i pyetur nga gazetarët lidhur me një lajm që qarkullon në media për një sërë nismash dhe vendimesh shumë të rëndësishme që do të ndërmarrë në ditët në vijim Presidenti, ai shprehet se kreu i shtetit do të bëjë një takim me të gjithë kryetarët e partive të cilët braktisën kuvendin në shkurt 2019.
“Presidenti Meta do të kërkojë takim me të gjithë kryetarët e Partive Parlamentare që braktisën Kuvendin në shkurt 2019, për të diskutuar lidhur me situatën dramatike ku ndodhet vendi. Padyshim do të ketë edhe të tjera inisiativa, vendime dhe takime shumë të rëndësishme!”-shprehet Blushi.
