Rritja e çmimit të naftës, nxori protestuesit “Jelekverdhë” një vit më parë në rrugët e Francës. Ndërsa këtë të shtunë Policia Franceze hodhi gaz lotsjellës për të shpërndarë turmën që u mblodh për 1-vjetorin e protestave të tyre.
Forcat e rendit nuk i lejuan ato të bllokonin rrugët që të marshonin në këtë përvjetor. Deri në mesditë, sipas raportimeve zyrtare nga policia franceze janë arrestuar 24 protestues.
“Jelekët e verdhë” i nisën protestat nëntorin e viit 2018 kundër kostove të larta të jetesës si dhe vijuan më pas në lëvizje kundër presidentit Macron dhe reformave ekonomike të qeverisë.
Protestat e kanë humbur fuqinë e tyre muajt e fundit, ku nga 300 mijë demonstrues tashmë në rrugë kanë mbetur me qindra që çdo fundjavë dalin në protestë.
