Një sulm me bombë u parandalua në Paris të shtunën, më 28 mars, jashtë degës së Bankës së Amerikës, falë ndërhyrjes së policisë.
Në pranga ra një burrë që po përgatitej të shpërthente pajisjen, raporton Agence France-Presse, duke cituar nga burime pranë hetimit.
Incidenti ndodhi në Rue de la Boétie, në qendër të Parisit, përpara ndërtesës së Bankës së Amerikës. Oficerët e policisë arrestuan një burrë i cili sapo kishte vendosur një pajisje shpërthyese të bërë në shtëpi përpara ndërtesës.
Sipas mediave vendase, pajisja përbëhej nga një enë 5 litra me lëng, me shumë gjasa hidrokarbure, dhe një mekanizëm shkrepës.
Hetimi i është besuar seksionit antiterror të brigadës së hetimit kriminal të Parisit dhe Drejtorisë së Përgjithshme për Sigurinë e Brendshme.
“Urime për ndërhyrjen e shpejtë të një ekipi të policisë së prefekturës që bëri të mundur pengimin e një akti të dhunshëm terrorist mbrëmë në Paris “, shkroi Ministri i Brendshëm, Laurent Nunez në X.
“Vigjilenca mbetet më shumë se kurrë në një nivel të lartë “, vazhdoi ai.
