Trajneri i Portugalisë, Fernando Santo, ka konfirmuar se Cristiano Ronaldo do të luajë ndeshjen e sotme që Portugalia luan ndaj Lituanisë.
Ronaldo ka qenë në qendër të vëmendjes në një situatë kontroverse këtë javë, pas zëvendësimit ndaj Milanit në minutën e 55-të.
Që nga ai moment bardhezinjtë, kanë dalë me deklarata që sulmuesi vuan nga një problem në gju , por Santos bëri të qartë se ylli i tij, është në gjendje optimale dhe nuk ka asnjë problem.
“Të gjithë flasin për të sepse ai është lojtari më i mirë në botë. Cristiano është këtu, ai u thërrit në kombëtare , është mirë dhe do të luajë,” tha trajneri për mediat portugeze.
