Meta: Do jem në detyrë deri në 24 korrik 2022

Presidenti Ilir Meta u shpreh i bindur se nuk do të lëviz nga karrigia e Presidenti deri në përfundim të mandatit, 24 korrik 2022. Ndërkohë, ai u shpreh se nuk ka përplasje me askënd.

A vazhdoni ju se do keni siguri se do qëndroni deri ne 24 korrik 2022, u pyet Meta gjatë konferencës për mediat, ku foli për dekretet për Gjykatën Kushtetuese.

“Nuk kam asnjë dyshim për këtë. Do qëndroj me dorën në Kushtetutë deri në 24 korrik 2022”, tha Meta.

“Nuk ka asnjë përplasje me Presidentin e Republikës me askënd. Ka një vullnet sistematik të vendosur të presidentit për të bashkëpunuar me KED si organ administrativ që ajo të bëjë të gjitha veprimet e duhura. Unë nuk kam përplasje me askënd. Nuk e pranoj që mund të kem përplasje. Është Presidenti që ditën e hënë përveç të tjera, veprimet që ka bërë me kohë, që kërkon zgjidhje, respektimin e ligjit, të Kushtetutës. Është presidenti ai që të hënën në mëngjes nga Parisi kam kërkuar respektimin e ligjit”, deklaroi.

LEXO EDHE  Ç’na tregon për marrëveshjen e detit, provokimi i anijes Oruç Reis në Mesdhe