Një qytetar nga jugu ka mbetur i bllokuar prej më shumë se dy orësh te Unaza e Re, edhe pse nuk kishte asnjë lidhje me protestën, përplasjet apo dhunën e terrorin që policia ushtroi ndaj banorëve në këtë zonë.
Qytetari tha se do të udhëtonte drejt jugut, por ishte i bllokuar.
“Erdha këtu, i rashë për shkurt. Po pashë një mur të madh, që spo e kuptoja a ishte muri kinez apo i Berlinit.
Pse janë gjithë këto policë këtu? Çfarë ka ndodhur? E di si e kanë bërë, lejojnë gruan, por jo fëmijën të kalojë.
Unë kam edhe frikë të lëviz, se do më thonë je protestues i paligjshëm dhe do më arrestojnë.
Unë s’kam lidhje fare me këtë që ndodh këtu, ndaj i bëj thirrje ministrit Lleshaj, nëse nuk është në ndonjë restorant të gastronomisë shqiptare, që të hapë rrugën, të lejojë kalimin”.
