Kryebashkiaku i Tiranës, Erion Veliaj është rreshtuar përkrah dhunës policore ndaj banorëve të Astirit gjatë aksionin të ndërmarrë nga IKMT në zonën e Astirit.
Në një postim provokues në rrjetet sociale, Veliaj ka shkruar se “nese ke marre parate apo perqindje ne pallat, eshte e arsyeshme ta ndalosh sabotimin e Tiranes”.
“Nese ke marre parate apo perqindje ne pallat, eshte e arsyeshme ta ndalosh sabotimin e Tiranes! Partite e ngritura mbi kulturen e zaptim-bllokimit ne pikiate! FOTOT/ Prishen ndërtimet e kompensuara te Astiri, përfundon bllokimi 2 vjeçar i Unazës”, është statusi i Veliajt.
Edhe një ditë më parë, Veliaj tha se një pjesë e banorëve të Astirit kanë marrë paratë për ndërtimet që ata kanë pasur pa leje, si dhe disa të tjerë kanë përfituar nga 1-3 apartamente.
Megjithatë, banorët, të cilët dje dolën në protestë urgjente te ‘Sheshi Shqiponja’, pasi u lajmëruan se do të ketë ndërhyrje në orët e para të mëngjesit të sotëm për të prishur objektet e tyre, kanë përgënjeshtruar Veliajn.
https://boldnews.al/tha-se-kane-marre-leke-e-shtepi-banoret-e-astirit-veliaj-mashtron/
Që prej mëngjesit të sotëm, IKMT dhe IMT të mbështetur nga policia, kanë nisur aksionin për shembjen e banesave te zona e Astirit. Aksioni është kundërshtuar nga banorët, të cilët janë përplasur me policinë, duke shkaktuar të plagosur nga të dyja palët. Madje, ish-deputetja e PD, Oriola Pampuri tha se dyshohet se nga përplasja, një person ka humbur jetën.
https://boldnews.al/e-fundit-ish-deputetja-jep-lajmin-nje-i-vdekur-nga-perplasjet-te-astiri/
Shembja e banesave bëhet në kuadër të projektit për rikonstruktimin e rrugës nga Sheshi Shqiponja deri te mbikalimi pranë Pallatit me Shigjeta.
