Kemi marrë fund, morali shoqëror ka degraduar përfundimisht

Nga Boldnews.al

Me mijëra forca policore zbarkuan mëngjesin e të martës në unazën e Re dhe ushtruan dhunë të pashoqe njësoj si Erdogani ndaj kurdëve në Sirinë veriore. Aksioni i paralajmëruar ndaj rezistencës së banorëve tregoi edhe një herë se jemi një shoqëri e degraduar e çmbështjellë nga çdo vlerë morale dhe humane.

Kryeministri i vendit që tregoi sërish se ka dalë fare nga binarët dhe do të bënte gjithçka vetëm e vetëm për kokëfortësinë e tij, dhe korrupsionin që ia ngroh xhepat dhe ja ka ftohur fare kokën. Asnjë anëtar kabineti ose deputet socialist nuk reagoi sot ndaj dhunës shtazarake te Unaza e Re. Ministri i brendshëm një “Malësor” duke shkelur çdo ligj, çdo dokë dhe çdo kanun shqiptari helmoi gra dhe fëmijë nëpërmjet gazrave kimike që shpërndau pa kufi duke ushtruar gjenocid mbi popullin e vet.

Gjeneral Lleshaj është simpoli i turpit të fjalës malësor, ai smund të jetë më as mirditor, as shqiptar, as socialist as vlla as baba dhe as bir, ai është thjesht një birbo në duart e pushtetit.

Sot nuk reagoi asnjë qelizë e Partisë Socialiste duke u bërë palë dhe njësh me krimin e birbos Lleshaj. Sot socialistët e rilindur të Ramës u sollën njëlloj si etërit shpirtërorë apo biologjikë të tyre, të PPSH-së, ndërsa përballë tyre, qëndronin ata kulakët e Astirit, që u trajtuan më keq se ata që quheshin kulakë 40 apo 50 vjet më parë.

Opozita e nisi me deklarime facebooku ditën e sotme edhe pse disa prej pjestarëve të saj shkuan atje mes banorëve. Por nuk pamë asnjë akt që opozita ta ndalte gjenocidin e policisë mbi civilët, qytetarë shqiptarë.

Kryetari i opozitës Lulzim Basha do duhej ta kishte gdhirë te Astiri sot dhe tja bënte të qartë Sandër Lleshajt dhe çdo drejtuesi policie se do të përgjigjeshin me ligj dhe pa ligj për atë që po bënin.

Në fakt si të gjitha aksionet e vitit të fundit përveç atij të djegies së mandateve edhe kësaj here opozita bëri pas. Vallë a jetojnë këtu drejtuesit e opozitës apo ëmbëlsirat e oligarkëve janë të shijshme sa të lënë të flesh deri vonë.

Përtej kësaj klase politike të korruptuar të pamoralshme, të degjeneruar shterpë dhe fajtore sot na tronditi shoqëria.

LEXO EDHE  Paketa antishpifje/ Luan Rama: Qeveria po plotëson portretin e një regjimi

Nuk pamë asnjë polic të hidhte kapelen ti bënte mutin asaj mut pune. Nuk pamë asnjë inspektor apo fadromist IKMT që të mos pranonte të bëhej pjesë e gjenocidit mbi banorët. Të gjithë pamë sesi rrogëtarët u vunë në rresht për të mbështetur dhe vënë në vend një paligjshmëri totale shtazarake nëpërmjet gjenocidit sandërlleshjan.

Sot nuk pamë te Unaza as Avokaten e Popullit, që një ditë më parë fliste për dialog mes banorëve dhe qeverisë, ndërsa sot heshti përballë bandës së veshur me pushtet dhe krimit të veshur me uniformë.

Sot nuk pamë te Unaza e Re as këto gratë e Helsinkit që flasin për të drejtat e njeriut, këta që bvëjnë ëorkshope në Rogner ku flasin për Shqipërinë.

Sot nuk pamë as ato dhjetra organizata, që vjelin çdo vit miliona euro dhe dollarë, mbajnë leksione dhe seminare, flasin për demokraci dhe të drejtat e njeriut, por kurrë nuk reagojnë ndaj terrorit, dhunës dhe shkatërrimit pa ligj, pa kushtetutë, pa moral, të bandës në pushtet.

Sot nuk pamë as qytetarët të solidarizoheshin me një grup banorësh, me siguri nesër në rrethana të tjera do jetë radha e tyre.

Sot nuk pamë as Luigi Sorecën të bënte ndonjë deklaratë as këtë karikaturën, ambasadorin e OSBE-së të thoshte dy fjalë ti bënte thirrje qeverisë për vetpërmbajtje. Ndoshta po kërkojmë shumë ata me siguri ishin në puplat e ngrohta të pushtetit duke brohoritur me rënkime për anëtarët e gjykatës kushtetuese të zgjedhur në mënyrë antikushtetuese.

Sot nuk pamë as këtë të ngarkuarën me punë të ambasadës amerikane në Tiranë e cila s’lë gjë pa folur për epërsinë e qeverisë mbi popullin shqiptar.

E kemi fjalën për këtë ambasadoren që po investon fuqishëm ti kthejë shqiptarët në një popull anti-amerikan brenda një kohe shumë të shkurtër. Për atë ambasadë që duket sikur deklaratat ja shkruan Endri Fuga dhe qytetarët e shajnë në rrjete sociale njësoj siç bëjnë me Erion Veliajn.

Sot shoqëria jonë mori fund bashkë me rezistencën te Astiri.