Kryetari i PD-së, Lulzim Basha, ka vijuar takimin “Rrugëtimi për Shqipërinë” në një takim me bizneset prodhuese në Durrës.
Pas takimeve me të rinjtë në 5 qytete të vendit, Basha ka nisur një tur të ri takimesh me biznesin, ku tha se ato po mbyten nga politikat e gabuara të qeverisë.
“Sektori i biznesit në luftë për mbijetesë. Po mbytet nga politikat e gabuara të kësaj qeverie. Kemi klimën më të keqe të biznesit në Europë”, tha Basha.
Në vijim ai shtoi se një biznes i çliruar është vizioni për një biznes të suksesshëm.
“Ju duhet një qeveri që nuk ua bën jetën më të vështirë por më të lehtë. Ne jemi për taksa më të ulta dhe ulje të korrupsionit. Ky është në themel të vizionit tonë.
Po tregohemi me gisht si si qëndra e krimit dhe drogës, ne do të punojmë që të tregohemi si qendra e suksesit të ekonomisë dhe biznesit”, iu drejtua Basha të pranishmëve.
Gjatë takimit, përfaqësues të bizneseve shprehën shqetësimet për barrën fiskale, veçanërisht për tatim fitimin dhe kostot e prodhimit.
“Të ketë reformim të inspektoriateve, jo të na vijnë 30 lloje inspektorësh”, u shpreh një nga të pranishmit.
Basha theksoi se do të krijohen zona të lira ekonomike.
Ndërkohë që nga biznesi fason, iu kërkua kreut demokrat që të orientohet tregu dhe të stimulohet biznesi që të prodhojmë për ekspertin.
“Duhet të garantohet prodhimi i lëndës së parë tekstile, sepse e importojmë nga Kina dhe kjo sjell kosto. Nëse sigurohet lënda e parë nuk mbetemi akllevër të kompanove të huaja por sigurojmë prodhim Made in Albania për tregun tonë”, thanë përfaqësues të bizneseve.
Ndërkohë një tjetër ankesë e tyre kishte lidhje me emigracionin. “Po na ikën krahu i punës, por edhe njerëzit e mendjes”.
