Deputeti, njëkohësisht kryetari i Partisë Konservatore, Kujtim Gjuzi, jo pak herë është bërë ‘objekt diskutimi’ në Kuvend apo në rrjete sociale. Kjo më së shumti për shkak të veshjes së veçantë me të cilën ai prezantohet. Gjuzi ka një stil veshjeje që vështirë të mos bjerë në sy, e kështu mbetet përherë në qendër të vëmendjes së publikut.
Kësaj here jo veshja, por një aksesor i tij është pikasur nga fotografët në Parlament. Gjuzi është parë të mbajë në dorën e djathtë një orë floriri që shkëlqen, rrethuar me gurë të çmuar. Vështirë të dallohet marka e orës apo të thuhet me saktësi vlera e saj, por nuk do shumë mend, që një orë e tillë ari me gurë të çmuar, kushton sa “qimet e kokës”.
