Skuadra e Napolit nuk regjistron një fitore prej 4 javësh në kampionatin italian, duke u shkëputur 12 pikë larg nga kreu i tabelës.
Mbrëmjen e djeshme, në përfundim të ndeshjes me Genoan, tifozët vërshëllyen për paraqitjen e futbollistëve.
Për shkak të këtyre rezultateve, zërat për shkarkimin e Ancelottit ishin në rritje, por ka qenë vetë klubi që ka hedhur poshtë këto pretendime, duke thënë se drejtuesit kanë besim të fortë të trajneri italian dhe shkarkimi i tij për momentin nuk është temë bisedash.
“Presidenti De Laurentiis është nisur për në Los Angeles, për një udhëtim pune, pasi për të nuk ekziston një çështje Ancelotti. Ne kemi besim të plotë te trajneri dhe jemi të bindur që do të udhëheqë skuadrën drejt rezultateve pozitive”, deklaroi klubi napolitan.
