Tritan Shehu, ish-deputet i PD-së dhe ish-ministër i Jashtëm, përmes një postimi në rrjetet sociale shprehet se Kryeministri Edi Rama po “kurorëzon” Presidentin serb, Aleksandar Vuçiç për Jugosllavinë e Re, nëpërmjet projektit të mini- Shengenit ballkanik.
Sipas tij, ky projekt nuk përputhet me aspiratat tona perëndimore.
Shehu shkruan se shqiptarët përmes këtij projekti po humbin rolin parësor pWr stabilitetin e Rajonit.
“Ndërkaq “Unioni” i Vuçiçit me Ramën pa “busull” nën “petkun” e lëvizjës së lirë tashme reale, po kthehet në një “ngrehinë”, që gjeneron idetë skeptike për integrimin e Rajonit dhe me Traktatin Serbi-Euroasinë shkon drejt tij.
I tillë ky nuk përputhet me aspiratat Perëndimore e Europiane të Rajonit dhe bie ndesh me interesat tona, jo thjesht prej zbehjes së rolit të Shqipërisë apo prej anashkalimit të Kosovës, por edhe sepse na devijon orientimin.
Shqiptarët e Rajoni e kanë të ardhmen në BE, gjë që arrihet duke implementuar secili vend standartet e modelet e “Brukselit” në lidhje direkte me atë e jo duke u bashkuar në “Unione” sui generis, alternative e periferike.
Ky “Shengen” larg partneritetit dobiprurës, në opsionin e tij më të mirë zhvendos vëmendjen nga përmbushja e standarteve të Brukselit e rigjallëron idenë për Rajonin vetëm si një njësi e largët orbitale e BE-së, në realitet është më keq!”, shkruan Shehu.
