Policia jep detaje
Policia e Durrësit ka dalë me një njoftim paraprak lidhur me gjetjen e një trupi të pajetë mëngjesin e sotëm në ujërat e Adriatikut, pranë Durrësit.
“Rreth orës 06:30, në lagjen nr.15 Durrës, në vendin e quajtur Bishtpallë, në det rreth 8.5 milje larg bregut, nga një peshkarexhë, është gjetur një trup njeriu i dekompozuar. Nuk mund të saktësohet, seksi dhe mosha, mbasi është i përzier me mbeturina bimore. Grupi hetimor po punon për identifikimin e kufomës dhe sqarimin e rrethanave të ngjarjes”, njoftoi policia.
***
Gjendet një trup i pajetë në mes të detit
Një trup pa shenja jete u gjet nga disa peshkatarë në Durrës, mëngjesin e sotëm.
Kufoma është gjetur në det në një distancë prej gati 10 km nga bregu. Trupi i pajetë është dërguar në Portin e Durrësit me anë të një peshkarexhe.
Verifikimet e para zbulojnë se trupi ka qëndruar në ujë prej një kohe të gjatë. Kufa u gjet teksa peshkatarët po peshkonin në 70 metra thellësi.
Deri tani, nuk ka të dhëna rreth identitetit të personit të vdekur dhe shkaqeve të vdekjes.
