Sot, kryeministri Edi Rama ka qenë i pranishëm në Gjenevë, teksa mori pjesë në Forumin Ekonomik të Davos-it, ku teksa fliste mbi Dialogun Strategjik mbi Ballkanin Perëndimor, falenderoi të gjithë për mundësimin e prezencës së tij në atë vend.
Referuar përgjigjes negative nga KiE në lidhje me hapjen e negociatave, Rama theksoi se Shqipëria ndihet si një varkë në mes të detit që ia kanë marrë busullën me forcë. “BE-ja ka nevojë për Ballkanin Perëndimor po aq sa ne kemi nevojë për BE-në.” – u shpreh Rama.
“Para së gjithash, dua të nënvizoj se me aq sa mbaj mend për këtë iniciativë, kjo ishte mbledhja më e mahnitshme dhe e dobishme në drejtim të zgjerimit të këtij forumi. Gjithashtu faleminderit që na mundësuat të jemi në mes të audiencës krah personave kyç nga vendet kyçe të Bashkimit Europian që përmes shpjegimeve dhe opinioneve të tyre na ndihmojnë të kuptojmë më shumë.
Ndihemi si një varkë në mes të detit, pasi na e kanë marrë me forcë busullën. Për ne ka shumë rëndësi ta dimë me saktësi. Është e qartë që nëse procesi i integrimit është karakterizuar në 5-6 vitet e fundit, të paktën nga të gjitha parashikueshmëritë, ajo që ndodhi në tetor e bëri më të paparashikueshme.
BE-ja ka nevojë për Ballkanin Perëndimor po aq sa ne kemi nevojë për BE-në. Ata që nuk e kuptojnë këtë nuk kuptojnë mirë cfarë është në lojë apo cilat janë sfidat e sotme dhe të së ardhmes
Nuk kemi më mundësi të dimë se cfarë duhet të bëjmë për të marrë atë që kërkojmë, pasi është e qartë që natyra e vendimeve në KE është shumë më e përcaktuar nga vetë vendet anëtare të BE-së se çfarë është ajo që bëjmë apo nuk bëjmë ne. Vendet tona nuk janë gati të anëtarësohen, nëse loja e meritokracisë shndërrohet në lojë në e fajësimit. Ne nuk e nisëm këtë proces, se na detyruan vendet e BE, por sepse ishte ajo që i duhej popullit tonë, kombit tonë. Nuk mendoj se meqë ne e kemi më të vështirë duhet të qajmë apo të lutemi sepse në fund të fundit e bëjmë për fëmijët dhe brezat e ardhshëm,”- tha Rama ndër të tjera.
DENONCO