Ish-ministri i Drejtësisë, Ylli Manjani, ka reaguar lidhur me foton e bërë publike sot ku shfaqej ministri i Brendshëm, Sandër Lleshi, me 11-vjeçarin, Alvin Berisha, i cili arriti të shpëtohej me ndërhyrjen e Italisë nga kampi famëkeq Al-Hol në Siri.
Manjani shkruan se përdorja e fëmijëve për kapital politik është poshtërsia më e madhe që politika shqiptare i bën popullit të vet.
“Policia që s’kontrollon ende territorin e shtetit nga krimi, që po i llullatë fëmijët me drogë në shkolla, na paska kryer një operacion policor në Siri…
Mirë që s’thanë që e rrëzonim edhe Asadin, po nuk deshëm!!!
Bajate fare! Si miza që rri në bythë të kalit dhe shet mend se po tërheq karrocën.
Në fund një foto për propagandë dhe një mesazh nga udhëheqja. Ndërkohë fëmija do riatdhesohet në Itali, jo në Shqipëri”, shkruan Manjani.
Postimi nga Ylli Manjani
Përdorja e fëmijëve për kapital politik është poshtërsia më e madhe që politika shqiptare i bën popullit të vet.
I ulët si gjest sa më ska!
Le pastaj kur pushteti fryn muskujt për të treguar se bën dhe operacione policore në vend të huaj.
Policia që s’kontrollon ende territorin e shtetit nga krimi, që po i llullatë fëmijët me drogë në shkolla, na paska kryer një operacion policor në Siri…
Mirë që s’thanë që e rrëzonim edhe Asadin, po nuk deshëm!!!
Bajate fare! Si miza që rri në bythë të kalit dhe shet mend se po tërheq karrocën.
Në fund një foto për propagandë dhe një mesazh nga udhëheqja. Ndërkohë fëmija do riatdhesohet në Itali, jo në Shqipëri.
Për të qeshur e për të qarë njëkohësisht!
O Makron! Ti e ke fajin!
