Një efektiv policie mësohet se është dhunuar mbrëmjen e sotme nga persona ende të paidentifikuar. Ngjarja ka ndodhur pranë Shkollës së Bashkuar në Tiranë.
Burime jozyrtare bëjnë me dije për Vizion Plus se dy automjete, njëra prej të cilave me ngjyrë gri dhe tjetra e kuqe, kanë ndaluar efektivin i cili po ecte me motor, dhe pas një debati shoferi ka nisur të godasë efektivin.
Më pas kanë zbritur nga automjeti me ngjyrë të kuqe, kanë zbritur tre persona të tjerë të cilët po ashtu kanë ushtruar dhunë ndaj efektivit.
Efektivi mësohet se nuk u është kundërpërgjigjur agresorëve.
Pas largimit të tyre i ka hipur motorit edhe është larguar.
Deri më tani nuk ka asnjë reagim nga ana e uniformave blu në lidhje me ngjarjen si dhe mbi agresorët e efektivit.
Pritet që policia te jap detaje ne lidhje me ngjarjen si dhe motivin e sulmit.
