Ishte i rëndë lajmi që erdhi mbrëmjen e së enjtes nga Spitali i Traumës veçanërisht për familjarët, pasi ndërroi jetë 24 vjeçari Andi Maloku, shofer i prokurorit Arjan Ndoja, të cilit iu bë atentat pasditen e 1 nëntorit.
Mediat sjellin një video nga ambientet e spitalit, ku shihen familjarët që sapo kanë marrë vesh lajmin e rëndë. Ata shpërthejnë në britma, ndërsa dëgjohen duke sharë “O plehrë, hape derën, mor pisat e …”.
Ky duket se është momenti kur familjarët sapo janë informuar për vdekjen e të riut dhe kërkojnë që mjekët të hapin derën e t’i lejojnë të shohin trupin e tij të pajetë. 24-vjeçari Andi Maloku ndërroi jetë rreth orës 18:15, pas një komplikacioni.
Ai ndodhej te Spitali i Traumës që prej 1 nëntorit, ku u qëllua me breshëri kallashnikovi, duke marrë dy plumba në mushkëri dhe një në shtyllën kurrizore. Në atentat u plagos edhe prokurori Arjan Ndoja me Pëllumb Muharremin, i njohur si “Rrumi” i Shijakut.
LEXO EDHE:
Atentati/ Ndërron jetë Andi Maloku, shoferi i prokurorit Ndoja
Shoferi i prokurorit humbi jetën pak orë pasi doli nga reanimacioni/ Dyshimet
Kush është mikesha e Redjan Rrajës që u pyet për atentatin ndaj prokurorit?/ Emri
