Ka ndërruar jetë pak minuta më parë shoferi i prokurorit Arjan Ndoj, të cilit iu bë atentat më 1 nëntor, pranë mbikalimit të Shkozetit. Sipas informacioneve paraprake, Andi Maloku ka ndërruar jetë në Spitalin e Traumës, ku ndodhej nën kujdesin mjekësor, që prej ditës kur u plagos në atentat.
Të plagosur në këtë atentat mbetën edhe prokurori Arjan Ndoja si edhe shtetasi Pëllumb Muharremi, i njohur si “Rrumi”.
I ndaluar për këtë ngjarje është shtetasi Redjan Rraja, nipi i deputetit të Partisë Socialiste, Rexhep Rraja.
Ndërkohë spitali i Traumës, atje ku prej 1 jave qëndronte i shtruar Andi Maloku, është rrethuar nga forca të shumta policie.
Tashmë me lajmin e trishtë të ndarjes nga jeta të 24-vjeçarit Andi Maloku, pritet të ndryshojë edhe akuza për të arrestuarin e vetëm si autor të dyshuar të atentatit.
Akuza e vrasjes “kundër dy ose më shumë personave”, e kryer në bashkëpunim, e mbetur në tentativë” do të kthehet në atë të vrasjes.
Ndërkohë mbeten në fuqi akuzat për “Vrasja e funksionarëve publikë”, e mbetur në tentativë, që lidhet me prokurorin Arjan Ndoja dhe dhe “Armëmbajtja pa leje”.
***
Natën e atentatit, nëna e Andi Malokut, ky i fundit i vetmi që u transportua në Spitalin e Traumës për shkak të plagëve të rënda nga breshëria e kallashnikovit, e përlotur tha se djali i saj, tashmë i ndarë nga jeta, rrezikoi jetën për 30 mijë lekë të reja rrogë, si shofer.
Andi Maloku mori një plumb që i ka prekur shtyllën kurrizore dhe tjetri në mushkëri. Bluzat e bardha thanë se i riu e kishte kaluar rrezikun për jetën, por nuk dihet se çfarë ka shkuar keq, që sot i ka marrë atij jetën.
Andi Maloku ishte shofer i prokurorit Arjan Ndoja, dhe drejtonte makinën Benz me targë AA 333 ZD, në momentin kur ndaj tyre nga një tjetër makinë në ecje pranë mbikalimit të Shkozetit u qëllua me breshëri kallashnikovi.
Prokurori, shoferi, dhe një person me precedentë penalë, Landi Muharremi, i njohur si i forti i Sukthit, mbetën të plagosur.
Para se të punonte shofer i prokurorit, Andi Maloku ka qenë efektiv policie në komisarin e Fushë-Krujës. Më 30 nëntor, Andi Maloku do të festonte ditëlindjen, ku do të mbushte 24 vjeç.
LEXO EDHE:
