Lojrat kineze të Ramës me SHBA/ Manjani: Çështja është te siguria jo te…

Ylli Manjani, ish-ministër i Drejtësisë, ka reaguar lidhur me liçencën 5G në Shqipëri.

Manjani shkruan se sigurisht që betejën tregtare Amerika me Kinën nuk e ka lënë për ta bërë tek liçensa 5G në Shqipëri.

“Tregu modest i Shqipërisë nuk vlen as sa një kunj shkrepse para super tregjeve për të cilat ndeshen të dy shtetet.

Çështja është tek siguria!!!

Do lejohet Kina të ketë akses në komunikacion, në një vend anëtar të NATOs, ku SHBA e konsideron ende si zonë të saj, apo jo? Kjo është çështja.

Kaq luks e këllqe ka qeveria jonë të bëjë lojra kineze me SHBA?! Nuk çuditem aspak, sigurisht. Por po pres fundin e kësaj meseleje…”, poston Manjani.

LEXO EDHE  Drama shqiptare në tokën neutrale, qeveria kridhet në rrjetet sociale

Një ditë më parë Ambasada e SHBA në Tiranë reagoi ndaj një postimi të Kryeministrit Edi Rama, që njoftonte lidhur me teknologjinë 5G që do të aplikohet edhe në Shqipëri, pas një vendimi të qeverisë kineze, e cila dha licenca 5G për përdorim komercial, duke shënuar fillimin e një epoke të re për industrinë e telekomunikacionit.

“Rrjeti 5G do të shtrihet shumë shpejt kudo por a keni besim në kompanitë që po ndërtojnë rrjetet 5G? Si mund ta dini se ato nuk do të keqpërdorin të dhënat tuaja?”, thuhej në reagimin e ambasadës së SHBA.