Policia ka identifikuar njërin nga autorëve të vrasjes së Eri Zefit, ngjarje e ndodhur në fillim të tetorit, në vendin e quajtur Zall Xhuxhe, Mirditë.
Lidhur me ngjarjen e rëndë është shpallur në kërkim Mikel (Gjovalin) Alia nga Fani, mik i ngushtë i viktimës.
Raportohet se Zefi është presë në besë nga miku i tij i ngushtë.
Trupi i viktimës u zbulua pak metra larg Rrugës së Kombit dhe dyshimet e para ishin për gjakmarrje, pasi vëllai i tij, muaj më parë ka kryer një vrasje në Durrës.
Kanë qenë banoret e zonës ata të cilët e kanë gjetur rastësisht trupin e ekzekutuar të Eri Zefit. Kjo lë për të dyshuar edhe për kohën dhe ditën kur mund të jetë kryer vrasja.
Sipas eskpertizës mjeko-ligjore, i riu u ekzekutua me 6 plumba, 4 prej të cilëve e kanë kapur në kokë ndërsa 2 të tjerët në gjoks.
Vrasja rezulton të ketë ndodhur gjatë natës pikërisht në vendin ku është gjetur trupi i viktimës.
Viktima u gjet i vrarë rreth orës 16:00 të datës 2 tetor në një zonë të pyllëzuar 50 metra larg rrugës së Kombit. Në vendin e ngjarjes nuk janë gjetur gëzhoja plumbash çka ka vështirësuar punën e hetuesve.
Eri Zefi është vëllai i Ndue Zefit, ky i fundit në shkurt të këtij viti ka vrarë fqinjin e tij 45-vjeçarin Martin Ndreca, pas një sherri banal.
