Nga Ndriçim Mehmeti
Kryeministri Edi Rama, në Athinë, na bëri me dije se “diskutoi gjithçka me kokën lart, pa asnjë ndjenjë inferioteti me homologun e tij Mitsotaqis.” Prej patentave deri tek çështja e detit, nga pronat e deri tek të drejtat e minoritetit.
Me siguri ka folur edhe për diellin që shndrin me shumë në Tiranë e me pak në Athinë. Por nuk na u bë me dije, nëse diskutoi për detyrimin e kushtetues, për të mbështetur mësimin e gjuhës dhe kulturës shqiptare për fëmijët dhe të rinjtë e emigrantëve shqiptar, a e ka përmbushur detyrimin për furnizim me tekste të gjuhës shqipe për mësuesit që japin mësim vullnetarisht, a e di Rama, që ka vite që nuk furnizohen me tekste bashkatdhetarët tanë në Greqi.
Po i rikujtojmë Kryeministrit Rama, detyrimin e pa përmbushur kushtetues për emigrantët shqiptarë, përtej propagandës dhe ministrisë fantazëm të diasporës.
Kushtetuta e Republike se Shqipërisë
Neni 8
1. Republika e Shqipërisë mbron të drejtat kombëtare të popullit shqiptar që jeton jashtë kufijve të saj.
2. Republika e Shqipërisë mbron të drejtat e shtetasve shqiptarë me banim të përkohshëm ose të përhershëm jashtë kufijve të vet.
3. Republika e Shqipërisë u siguron ndihmë shtetasve shqiptarë që jetojnë e punojnë jashtë shtetit për të ruajtur e për të zhvilluar lidhjet me trashëgiminë kulturore kombëtare.
