Gjykata Administrative e Apelit ka pezulluar kalimin në pronësi të Kopshtit Botanik, nga Fakulteti i Shkencave të Natyrës te Bashkia e Tiranës, ashtu sikundër referohet në VKM-në e korrikut 2019.
Gjykata shqyrtoi sot padinë e rektoratit të Universitetit të Tiranës kundër vendimit të korrikut të këtij viti nga qeveria, që kërkonte kalimin e pronësisë së Kopshtit Botanik Bashkisë së Tiranës, si qendër rekreacioni.
Gjyqtarja e rrëzoi pretendimin duke argumentuar se nuk është hapësire publike, por i dedikuar shkencës dhe në funksion të universitetit të Shkencave të Natyrës.
Gjatë seancës, gjyqtarja tha se kjo çështje do vijojë të shqyrtohet në Apelin administrativ deri në plotësimin e numrit të trupës gjykuese (5 gjyqtarë) që të vijojë procesi i kundërshtisë që universiteti i Tiranës i bën vendimit të qeverisë korrik 2019, ku përfituese indirekte është Bashkia Tiranë.
Ky hap është mirëpritur nga Studentët dhe pedagogë protestuan sot para gjykatë dhe e mirëpritën këtë vndim, pasi e quajnë si hap i parë i fituar ndaj vendimit të qeverisë.
Sipas dekanit të Shkencave të Natyrës, Spiro Drushku kjo hapësirë vijon të jetë pronë e universitetit për aq kohë sa nuk ka vendim të formës së prerë nga gjykata.
“Kopshti Botanik aktualisht është i Shkencave të Natyrës. Kemi një vendim qeverie, nr. 510, të korrikut 2019, që është kaluar në proces gjyqësor nga Universiteti i Tiranës dhe sikur jemi shprehur gjithmonë, ne do të jemi të duruar, me këmbë në tokë, që këtë proces ta ndjekim vetëm në mënyrë ligjore.
Jemi në të drejtën tonë dhe kërkojmë mbështetjen e të gjithë organeve gjyqësore, të ligjeve, urdhëresave, VKM-ve, statuteve që të na përkrahin dhe japin atë të drejtë që na takon.
Seanca e radhës nuk u caktua si datë. Ndoshta duhet të sqaroj dhe pjesën e dytë të vendimit të gjyqit, pasi u diskutua edhe pretendimi i dytë i ngritura nga pala e akuzuar, për inkompetencë të trajtimit të çështjes, që presupozohet se kjo çështje duhet të trajtohet jo në Gjykatën Administrative të Apelit, por në Gjykatën e nivelit të parë. Për këtë arsye, kryetarja e seancës, për arsye se nuk plotëson numrin pesë të gjyqtarëve që duhet të vendosin në lidhje me legjitimitetin e këtij procesi, do të propozojë plotësimin e trupit gjykues me 5 anëtarë dhe në këto kushte do të kenë të drejtën për të nominuar në i takon Gjykatës Administrative të Apelit apo Gjykatës së nivelit të parë.
Mbas këtij vendimi ne do të njoftohemi me shkrim nga gjykata në seancën e radhës dhe atje do të shqyrtohen të gjitha çështjet dhe dokumentacioni sikurse edhe kërkesa jonë për të qenë ndërhyrës dytësor pranë kësaj gjykate.
Ndërkohë më vjen shumë, sapo kam marrë konfirmim nga shoqata ose nga përfaqësuesit më të lartë botërorë, të Kopshtit Botanik, të cilëve ne u jemi adresuar me një letër të hapur për të kërkuar mbështetje ligjore dhe shkencore. Shkresa e tyre vjen me një optimizëm dhe miratim: Mos u ndalni, vazhdoni gjyqin dhe jeni në të drejtën tuaj. Nuk e kuptojmë se si një Kopësht Botanik, i vetëm në Shqipëri, t’i largohet universitetit dhe t’i atashohet një institucioni të pushtetit lokal. Në të tilla kushte ky është një ogur i mirë.” – u shpreh
