Nard Ndoka, kreu i PDK-së dhe ish-deputet i opozitës, i ftuar në emisionin “Casa De Los 3s”, mbrëmjen e djeshme në RTV Ora, tha se nëse një ditë do të ulej në karrigen e kryeministrit Edi Rama do ta lante, do t’i bënte lavazh, para se të ulej.
Në vijim të batutës, Ndoka u shpreh se karrigen “do e lante nga mëkatet, megjithëse edhe për pjesën e higjenës do një dorë”.
I ngacmuar nga moderatorja se kë do të zgjidhte mes Sali Berishës dhe Fatos Nanos, Ndoka bëri këtë vlerësim: “Berisha është një personazh që prej tij mund të marrësh diçka, ka gjëra pozitive. Nano ka qenë një qytetar i mirë, pavarësisht se ishte i papërgjegjshëm, s’kam lidhje as me pijen e tij, pasi ishte pijedashës dhe nuk e marr atë pjesën e vesit. Kështu që zgjedh Berishën”.
