Shtriheni në një krevat të rehatshëm, duke pritur për një gjumë me ëndrra të bukura, por ka diçka që nuk shkon. Nuk mund të ndaloni së menduari për punën, dosje, data, orare, ide të reja. Ose trupi juaj nuk mund të çlirohet nga tensioni i ditës së gjatë dhe të lodhshme. Nëse shtriheni dhe sado që përpiqeni nuk ju zë gjumi, mos pini ilaçe, më mirë bëni ushtrime.
Por çfarë ushtrimesh? Janë super të thjeshta dhe dritare.net i ka sjellë për ju. Me këto ushtrime, do të flini gjumë sapo të vini kokën në jastëk.
-Ç’tensiononi muskujt tuaj! Shtrihuni me kurriz në një tapet të vogël stërvitjesh. Ngrini këmbët dhe duart lart. Qëndroni për 60 sekonda në këtë pozicion. Trupi juaj do të çlodhet, toksinat largohen, po ashtu edhe pagjumësia.
-Shtrihuni me shpinë. Mblidhini këmbët nga ana poshtë dhe vendosini anash kurrizit, deri te vithet. Shtrijini më pas krahët në pozicion të drejtë! Kështu do të çlodhni këmbët, ulet tensioni i gjaku. Qëndroni në këtë pozicion për 30-60 sekonda.
-Uluni në dysheme! Shtrijini këmbët, duart kalojini poshtë vitheve, shtrini qafën, sikur doni të bëni urën, por pa ngritur këmbët. Qëndroni në këtë pozicion për 30-60 sekonda.
Me këtë pozicion do të largoni lodhjen kronike dhe rritet prodhimi i melatoninës, hormonit që është përgjegjës për një gjumë të mirë.
-Shtrihuni me shpinë, mblidhni pak gjunjët. Shputat e këmbëve bashkojini me njëra-tjetrën. Duart lëshojini në anë të trupit. Ky ushtrim ul presionin e gjakut, ngadalëson rrahjet e shpeshta të zemrës, dhe heq dhimbjen e kokës. Qëndroni në këtë pozicion për 2-3 minuta.
-Shtrihuni me shpinë, ngrijini këmbët lart. Gjunjët çojini te gjoksi dhe me duar kapni shputat e këmbëve. Qëndroni në këtë pozicion për 1-2 minuta. Ky pozicion do t’ju ç’tensionojë shpinën dhe vithet. Si dhe ul stresin e ankthin.
– Po me shpinë siç jeni, ngrijini këmbët lart dhe duart vendosini mbrapa këmbëve, pak më poshtë kyçit. Qëndroni për 30-60 sekonda
-Pozicioni tjetër është i lehtë fare. Shtrihuni me shpinë, shtrijini këmbët te muri i shtëpisë. Qëndroni në këtë pozicion për 5 deri 10 minuta.
-Ushtrimi i fundit është edhe më i thjeshtë. Ju duhet vetëm një karrige, ose stol. Siç jeni në këmbë, përkuleni shpinën, vendosini duart mbi jastëkun që ndodhet në karrige dhe uleni kokën mbi to. Qëndroni në këtë pozicion për 30-60 sekonda.
