Ish-kryeministri Sali Berisha deklaroi se nëse do të ishte në vendin e Edi Ramës, do të jepte dorëheqjen në rast të një dështimi me negociatat. Por, Berisha shprehu sigurinë se, nëse ai do të drejtonte qeverinë, Shqipëria nuk do të dështonte.
“As që mund të mendoja të qëndroja po të pësonte vendimi im një dramë të tillë, por s’do ta pësonte një dramë të tillë, po të isha unë kryeministër”, tha Berisha në emisionin “Zonë e Lirë”.
Ish-kryeministri deklaroi se Rama ka punuar kundër integrimit në BE, kur ai drejtonte qeverinë.
Berisha tha se ish-komisioneri i zgjerimit në BE, Stefan Fyle (për të cilin theksoi se ka studiuar në shkollën e sigurimit rus) bashkë me Ramën, penguan marrjen e statusin e vendit kandidat.
“Sivjet ehtë përjashtim nga shkolla, vjet ishte ngelje në klasë”, tha Berisha, duke iu referuar mbledhjes së fundit të KE-së, që nuk hapi negociatat me Shqipërinë.
