Ka përfunduar mbledhja e opozitës së bashkuar, ndërkohë që menjëherë pas saj, Sekretari i Përgjithshëm, Gazmend Bardhi ka dhënë një deklartaë për mediat. Ai ka theksuar domosdoshmërinë e përfundimit të Reformës Zgjedhore për ta çuar përpara vendin drejt përmbushjes së kushteve të përcaktuara nga Bundestagu.
“Mbledhja e grupit të punës mbi reformnë zgjedhore ka nisur edhe sot me dy tema kyçe që lidhen me reformën dhe ne kemi produktin e pare. Dua të theksoj se mbledhja e grupit të punës të ekspertëve është tregues i qartë i angazhimit të opozitës së bashuar sic kemi bërë të ditur që nga momenti kur kjo reformë gjithëpërfshirëse me kontribut të të gjitha partive u shndërrua në një kërkesë të Bundestagut opozita u angazhua sinqerisht për këtë reformë. Kemi propozuar edhe në mekanizëm për një produkt të përbashkët. Duhet të theksohet se kjo reformë nuk është dhe nuk mund të jetë çështje e Parlamentit të Shqipërisë por përcaktim të rregullave të lojës për të gjithë partitë që marrin pjesë partitë politike në zgjedhje. Me konsensus duhet të përcaktohen rregullat e lojës prandaj dhe ne jemi angazhuar tërësisht jo vetëm me propozime por edhe me kontribut në bashkëpunim edhe me Kuvendin Monist. Produkti i sotëm është dakortësuar me konsensus të plotë të gjitha partive të kualicionit, mbledhja e ardhshme do të jetë të hënën në orën 18.00 dhe kemi përcaktuar edhe një axhendë për grupin e punës,” u shpreh ai.
I pyetur në lidhje me produktin final, Bardhi u shpreh se “është përmbyllur dy çështje kryesore që lidhen me financimin e fushtatave dhe partive si dhe administrimin e procesit zgjedhor’.
Cili është mekanizmi?
E kemi propozuar një mekanizëm për tu angazhuar bashkarisht për të përmbushur me sukses një nga kushtet për hapjen e negociatave, Reformën Zgjedhore jo vetëm në letër por të prekshme nga të gjitha partitë edhe pse duhej të ishte qeveria ajo që duhej t’i shrinte dorën opozitës. Gjermania e ka bërë të qartë se nuk duhet vetëm Reforma Zgjedhore në letër por pjesëmarrjen e të gjitha partive politike.
Kemi të bëjmë me një strukturës së posatçme?
Është i njëjti propozim po presim përgjigje nga pala tjetër mbi propozimin konkret dhe e theksoj se është e detyrë e qeverisë që të bënte pjesë të këtij procesi pozitën. Por meqë kemi një maxhorancë të papërgjegjshme, opozita e bashkuar është në rolin e vet dhe me përgjegjshmëri të plotë ka propozuar një mekanizëm për të përmbushur një ndër kushtet themelore të BE. Për ne është e rëndësishme të tregojmë përkushtim në përmbushjen e këtij kriteri. Ne jemi në krye të detyrës dhe duhet që edhe pala të përmbush përgjegjësitë e veta.
