Parlamenti Europian ka miratuar me 412 vota pro, nga 578 deputetë, rezolutën për hapjen e bisedimeve për integrimin e Shqipërisë dhe Maqedonisë së Veriut.
Në këtë mënyrë, PE-ja i kundërpërgjigjet Këshillit Europian, i cili nuk arriti të binte në unanimitet për të mbështetur Shqipërinë dhe Maqedoninë e Veriut në nisjen e dialogut për anëtarësimin në Bashkimin Europian.
Vendimi për bisedimet të Shqipërisë dhe Maqedonisë së Veriut do të merret në Samitin e ardhshëm të BE-së në muajin maj.
Ndërkohë, kreu i grupit parlamentar socialist Taulant Balla, tha se ky është një mesazh i shkëlqyer për Këshillin Europian dhe Komisionin Europian.
