CEO i Facebook, Mark Zuckerberg është duke dëshmuar përpara Komitetit të Shtëpisë së Bardhë për Shërbimet Financiare, ku është mbuluar me “breshëri” pyetjesh nga ligjvënësit amerikanë për projektin Libra, një kriptomonedhë e menduar nga Facebook se do të jetë valutë globale dhe metodë pagesash e përdorueshme nga të gjithë.
Facebook dhe drejtuesi i saj Zuckerberg kanë pasur shumë probleme kohëve të fundit me ligjin nëpër botë duke filluar nga skandali “Cambridge Analytica” ku të dhënat e përdoruesve së Facebook shiteshin nga kjo kompani për të influencuar mbi zgjedhjet amerikane, duke vazhduar deri tek gjoba 122 milionë dollarëshe që kompania mori nga ligjvënësit e BE-së, për deklaratat e rrema të bëra nga zyrtarët e rrjetit social mbi blerjen WhatsApp.
Në këtë mënyrë monedha dixhitale Libra që thuhet se ka potencialin të rindërtojë nga e para sistemin financiar global, po përballet me mosmarrëveshje dhe skepticizëm nga të gjithë njerëzit e botës bankare, politikanëve e ligjvënëse.
I pyetur nga senatorët amerikanë për besueshmërinë në mbrojtjen e të dhënave të kësaj monedhe, Zuckerberg është shprehur se ai e kupton situatën e rëndë ku Facebook ndodhet për momentin dhe në qoftë se do ishte ndonjë kompani tjetër ky projekt do të ecte përpara me shpejtësi.
Më tej në dëshminë e tij, Mark është shprehur se është gati të presë deri sa të marrë miratimin e të gjithë ligjvënëse duke i shteruar të gjithë pikëpyetjet e tyre mbi projektin e tij. Ai gjithashtu ka thënë se Kina nëpërmjet partneritetit publik-privat po ecën me hapa marramendës për të sjellë një monedhë dixhitale në treg.
Më tej i pyetur se pse partnerë mjaft të njohur botërorë si Paypal, Visa dhe Mastercard e kanë braktisur Librën, Zuckerberg u përgjigj se ai beson që kjo ka ndodhur për shkak se është “projekt i rrezikshëm” që është shoqëruar me shumë pikëpyetje. /SCAN/
