Kryeministri grek Kyriakos Mitsotakis tha mbrëmjen e djeshme që Greqia është në favor të integrimit të Ballkanit Perëndimor në BE, jo vetëm sepse transformon një faktor stabiliteti në rajon, por gjithashtu sepse është një levë demokratike e domosdoshme për të modernizuar fqinjët tanë dhe zgjidhjen e çështjeve bilaterale.
Lidhur me Shqipërinë, ai tha se dëshirojmë marrëdhënie të fqinjësisë së mirë, por, kusht për progres të përbashkët, për të çelur një moment rrugën europiane, është respektimi i minoritetit grek dhe të drejtave të tyre.
Mitsotakis ka përsëritur qëndrimin e partisë së tij kundër marrëveshjes së Prespës, por ka theksuar se pala greke tashmë e respekton plotësisht dhe nuk dëshirojnë peripeci të tjera për Greqinë.
“Ende besoj se marrëveshja e Prespës është negative për vendin tonë, por nuk do të ekspozoj vendin drejt aventurave. Pa rrezikuar destabilizimin më të vogël, ne do të monitorojmë nga afër detyrimet e fqinjëve tanë, pajtueshmërinë e fqinjëve tanë me detyrimet e tyre. Kjo është ajo që dikton sot realizmi patriotik i vërtetë”, theksoi ai.
