Një 21-vjeçar është proceduar penalisht nga policia e Lezhës, pasi në automjetin ku udhëtonte iu gjet një armë sportive. Policia bëri të ditur se arma u zbulua në çantën e dorës së shtetasit N.K, banues në Lezhë.
“Procedimi i këtij shtetasi u bë pasi në qytetin e Lezhës, gjatë kontrollit të ushtruar në mjetin tip “Audi”, brenda në çantën e tij të dorës iu gjet dhe sekuestrua në cilësinë e provës materiale një armë sportive imituese tip pistoletë, me një krëhër dhe një fishek”, njofton policia.
Materialet hetimore iu referuan Prokurorisë pranë Gjykatës së Shkallës së Parë Lezhë, për veprën penale “Mbajtja pa leje e armëve të gjuetisë dhe sportive”.
