Vrasje me arme zjarri në zonën e thellë të Shoshit në territorin e Qarkut të Shkodrës.
Lazer Arraj (Pjetrushi) 55 vjeç, i martuar dhe me dy djem të moshës 26 dhe 23 vjeç, ka mbetur i vdekur. Nga të dhënat paraprake që vijnë nga burime pranë policisë lokale, viktima është qëlluar me armë zjarri. Për shkak të plagëve të marra ka ndërruar jetën.
Ai është gjetur i pajetë në rrugë nga dy nipërit e tij, në rrugë. Burime thanë se dyshohet se, është qëlluar dy herë me armë zjarri. Rrethanat se si ka ndodhur vrasja mbeten ende për tu zbardhur nga hetuesit. Dyshimet paraprake janë se krimi ka ndodhur për motive hamarrje, apo pas një konflikti të çastit. Këto janë dy pistat e para të grupit hetimor. Autori apo autorët janë ende të paidentifikuar nga policia.
“Rreth orës 12:00, në fshatin Shosh, Shkodër, dyshohet se është vrarë me armë zjarri shtetasi L.A. 55 vjeç, banues në fshatin Palaj, Shosh, Shkodër. Shërbimet e policisë dhe grupi hetimor kanë shkuar në vendngjarje dhe po punohet për sqarimin e rrethanave të ngjarjes, identifikimin e kapjen e autorit”, njoftoi policia.
