Pakënaqësitë dhe kritikat e qytetarëve shqiptarë ndaj qeverisë rilindase por dhe ndaj kryeministrit në veçanti vijnë gjithnjë e në rritje.
Boldnews.al bëri një sondazh në të cilin kërkonte mendimin e qytetarëve nëse kryeministri Edi Rama duhet të dorëhiqej pas dështimit për të katërtin vit radhazi për hapjen e negociatave, dhe mënyra se si votuan votuan shqiptarët tregon zhgënjimin dhe mungesën e shpresës tek kjo qeveri dhe kreu i saj.
Në këtë sondazh votuan mbi 3.3 mijë persona, ku 90 për qind e tyre kanë votuar se Rama duhet të dorëhiqet, ndërsa 10 për qind e shqiptarëve mendojnë t’i japin edhe një tjetër shans.
Siç shihet edhe në sondazhin e bërë nga Boldnews.al, një pjesë e madhe e shqiptarëve janë mjaft kritike dhe e shohin si domosdoshmëri dorëheqjen e Ramës pas dështimit për hapjen e negociatave.
Boldnews.al ka publikuar edhe me foto sondazhin për të qenë transparent me lexuesit por edhe me vetë kryeministrin Rama, që ky i fundit të mësojë se cili është vërtetë mendimi i qytetarëve për qeverisjen në këtë vend.
Boldnews.al është një media kritike ndaj qeverisë, njësoj si çdo media e pavarur kudo në botë, e cila funksionon si pasqyrë ku qeveria por dhe qytetarët të shohin gabimet dhe problematikat reale që nuk funksionojnë në një vend demokratik. /Boldnews.al
