Edhe pse Shqipëria dështoi të hapë negociatat me BE-në, për shkak të një sërë arsyesh që lidhen me korrupsionin, krimin, drogën e numrin e lartë të azilkërkuesve, sërish nga qeveria propagandohet se vendimi është pozitiv.
Ministri i Brendshëm, Sandër Lleshaj deklaroi sot nga Dropulli, se vendi ynë ka një përgjigje pozitive për negociatat, e cila tenton të bllokohet me veto nga dy vende.
“Ne nuk mund të themi që qëndrimi i dy vendeve eklipson qëndrimin e vendeve të tjera. U jemi mirënjohës vendeve që kanë thënë po”, u shpreh Lleshaj. “Nuk kemi një përgjigje negative, kemi një përgjigje pozitive e cila tenton të bllokohet me veto nga të dy vendet. Presidenti i Francës tha na duhet ne kohë për të menduar. U duhet atyre kohë për çështjet e Brendshme të BE”, tha ai.
DENONCO