Kur sipërmarrësja Elizabeth Anne Holmes, themeluesja dhe ish-drejtoresha e kompanisë Theranos, që prentendonte se kishte sjellë revolucion në testimin e gjakut, u akuzua dhe u padit për mashtrim, nëpër shumë media nuk u diskutua abuzimi tronditës, por zgjedhja e saj në të veshur: xhaketa të zeza, pantallona të zeza dhe ç’është më e rëndësishmja, bluzat me jakë golf.
Kam rreth 150 bluza të tilla,” tha ajo për Glamour në 2015. “Është si uniformë, të lehtëson punën pasi nuk duhet të mendosh çdo ditë se çfarë do të veshësh. Ke një stres më pak.”
Sipas një ish-punonjëseje të Holmes, zgjedhja e bluzave me jakën golf ishte një frymëzim nga gjeniu i Apple, Steve Jobs. Jobs u fotografua rrallë pa bluzën e vet karakteristike nga dizajneri japonez Issey Miyake.
Rrobat e tij të zeza të krijonin idenë e një intelektri të veçantë, të një vizionari. E gjitha falë thjeshtësisë që transmeton një bluzë me jakë golf.
Bluzat e tilla u zhvilluan fillimisht në fund të shekullit XIX dhe ishte një veshje praktike për lojtarët e garave polo. Më parë, përdoreshit kryesisht nga sportistët, punëtorët, detarët dhe ushtarakët.
Ndërsa në agim të shekullit XX u përdor edhe nga artistët europianët, stili i të cilëve po shkonte drejt qasjes moderniste.
Momenti më i lavdishëm i bluzave me jakë golf qe përfundimi i Luftës së Dytë Botërore, ku u pa te një pjesë e madhe e ekzistencialistëve. Veshja u popullarizua në kohë te shkrimtarët, muzikantët dhe yjet e filmit: Jean-Paul Sartre, Juliette Gréco, Yves Montand, Jacquel Brel, Miles Davis, Audrey Hepburn etj.
Më vonë, pati një moment kur një veshje e tillë u përdor më së shumti në parodi. Asokohe, bluzat me ngjyra u përdorën masivisht, çka e larguan veshjen e zezë me jakë golf nga serioziteti dhe intelekti që përfaqësonte në dukje.
Kujtojmë veshjen e Leonardo DiCaprio-s në “Once Upon a Time in Hollywood” që i vendos ngjarjet në Hollywood-in e viteve ’50.
Burimi nga CNN
BN
