Të paktën nëntë dyshohet të kenë humbur jetën nga tajfuni Hagibis që goditi Japoninë.
Tajfuni Hagibis shkaktoi përmbytje dhe rrëshqitje të dherave, ndërsa u shoqërua me erëra të forta me shpejtësi 225 km /orë.
Lumenjtë dolën nga shtrati në të paktën 14 vende të ndryshme, duke përmbytur lagje banimi.
Hagibis po shkon drejt veriut dhe pritet të zhvendoset përsëri në Paqësorin e Veriut, më vonë gjatë ditës së sotme.
Tajfuni bëri ulje në tokë të shtunën pak para orës 19:00 me kohën lokale në gadishullin Izu, në jug-perëndim të Tokios dhe u ngjit në bregun lindor. Pothuajse gjysmë milioni shtëpi kishin mbetur pa energji.
Në qytetin Hakone afër malit Fuji më shumë se 1 m shi ra të premten dhe të shtunën, totali më i lartë i regjistruar ndonjëherë në Japoni gjatë 48 orëve.
Më tej në veri në prefekturës Nagano, shpërthimi i digave përgjatë lumit Chikuma shkaktoi përmbytje të zonave të banuara.
Zyrtarët thanë që disa nga të vdekurit humbën jetën nga rrëshqitjet e tokës, ndërsa të tjerë u bllokuan në makinat e tyre ndërsa rrugët u përmbytën.
15 persona të tjerë janë shpallur të zhdukur dhe dhjetëra të tjerë raportohen të plagosur.
