Kryeministri Edi Rama ka propaganduar sërish këtë të diel, duke u shprehur se në vend është rritur ekonomia dhe punësimi.
“Rritja ekonomike po jep frytet e saj. Raporti i Bankës Botërore: Papunësia në nivelin më të ulët historik 11.5%. 274.453 vende të reja pune më shumë se në 2013-ën. Për Shqipërinë që duam”, thuhet në një të të publikuar nga kreu i qeverisë në Facebook.
Qytetarët megjithatë nuk janë në një mendje me shefin e ekzekutivit. Ata i kujtojnë shifrat e larta të largimeve nga vendi pikërisht për shkak të mungesës së punësimit dhe shpresës në vend. Shqetësim ky i ngritur prej kohësh, por Rama, nuk e konsideron të tillë.
Komentet
“Bravo z.kryeministër. Për 6 vite qeverisje ke punësuar 450.000 shqiptarë në Gjermani dhe gjetkë. Në Shqipërinë tonë socialiste, kanë mbetur vetëm pensionistët dhe rilindasit. 2019 ke vetëm 24.000 fëmijë të regjistruar në klasë të parë. Bravo e ç’kombëtarizove Shqipërinë”, komenton një qytetar në postimin e Ramës. “Bravo, ke te drejtë që shqiptarët janë punësuar, por jo ne Shqipëri. I ke punësuar në Europë, Gjermani, Francë”, komenton një qytetar në statusin e postuar nga Rama.
“Po të ishte e vërtetë dhe e qëndrueshme Atëherë pse po ikin shqiptaret siç iknin në 90 dhe në 97”, pyet një qytetar.
“Vendi po te zbrazet përditë se me ty shqiptarëve i vdiq edhe shpresa”, është një tjetër koment.
“Zbrit ndonjëherë nga S Classi që ta shofësh realitetin”, i shkruan dikush tjetër.
Të tjerë syresh i kujtojnë kushtet e punës në vend dhe pagat që siç artikulojnë, lënë për të dëshiruar.
“Mbase Banka Botërore nuk e di që është një lloj skllavërie të punosh në Shqipëri dhe kjo është ‘fakt’”.
“Punësimi duhet të shkoje me rritjen e rrogave, e din që për këtë arsye ikin njerëzit, por vetëm të intereson kjo gjë”.
Anketa e BSH: Punësimi ka rënë
Ndërkohë, sipas të dhënave të fundit nga Banka e Shqipërisë, është konstatuar rënie e punësimit. Mbi 2.000 familje të vrojtuara nga Banka e Shqipërisë raportuan rënie të punësimit, të ardhurave dhe shpenzimeve në gjashtë muajt e parë të vitit.
/Boldnews.al/
