Gjykata Penale e Tiranës ka lënë në burg 3 nga protestuesit e Unazës së Re duke dhënë sot masën e sigurisë për ta.
Ilir Katiraj, Gramoz Shehu dhe Skënder Doda akuzohen për veprat penale “Organizimi dhe pjesëmarrja në grumbullime e manifestime të paligjshme”, “Prishja e qetësisë publike” dhe Pengimi i qarkullimit të mjeteve të transportit”.
Avokati i të ndaluarve e cilësoi këtë masë sigurie si një vendim politik.
Para gjykatës ishin mbledhur dhjetëra banorë të Astirit në mbështetje të tyre.
Ndërkohë, ish-deputeti Klevis Balliu, tha se brenda 2 apo 3 orësh, banorët e Astirit, që protestojnë prej më shumë se 1 viti në mbrojtje të banesave të tyre, do të marrin një vendim, përballë situatës së krijuar.
Ai akuzoi Kryeministrin Edi Rama se kërkon gjakderdhje, ndërsa i bëri thirrje ndërkombëtarëve, komuniteteve fetare dhe qytetarëve që të reagojnë ndaj tij.
“Kjo nuk është protestë e opozitës, është protestë e qytetarëve që garantohet nga Kushtetuta. Ata po mbrojnë një kauz të drejtë, po mbrojnë banesat e tyre.
Edi Rama kërkon gjakderdhje. i bëj thirrje policisë që të mos provokojë, sikundër qytetarëve që të mos provokohen.
Të reagojnë komunitetet fetare dhe ndërkombëtarët”, tha Balliu.
